紫微斗数时晨

阁下有5条问题，以下就针对性作答。 1睇紫微斗数系咪会问你拎出生年月日及时晨？唔止紫微斗数会问你拎出生年月日时，其他命理如八字、占星（要埋分钟）都要，因为会准确好多。如果唔知出生时间，一般「话之你」ge茂利都会当你系00：00出生。 2如果真系唔知几点出世？有心人（收三份钱）会将你畀ge时间，如果畀系辰时，佢地会向前向后各褪一个，即系同时算出卯、辰、巳三个时辰出生ge人ge性格各样同埋际遇等等（首要条件，呢个相士必须非常准确），然后畀你睇下边个最似你。但系再如果三个时辰都唔似，咁就冇晒符。 3唔知系凌晨定系夜晚，咁点算？最后唔好算，一切顺其自然，费时o岩D唔o岩D（因为实系咁，同一日出生，梗有少少相似），盏搞到自己心成日心挂挂。此外，时辰方面，夜晚有戌时、亥时；凌晨有早／晚子时、丑时。 4如果讲错左
系咪会差好远架？梗系，一日有十二个时辰，每个时辰都系代表一个独一无二ge人，无论八字或星宿ge排列都绝对唔一样。所以唔知道出生时辰，最好唔好算。再者，o系命理方面，除左先天命系冇得拣之外，仲有后天运系完全由自己去决定、去选择。就好似人地成日讲「孖仔孖女」点解命运唔同ge？原因就系o系呢度，就好似而家ge歌星「卫x姊妹」咁，家姐o系后天拣左专注事业，细妹就o系后天拣左爱情，两个人ge后天发展就自然唔同，但系佢地ge共同特性都系钟意唱歌、表演事业。所以好多人成日将「命」与「运」捞埋一齐讲，永远都讲唔通ge，尤其系算命师傅，成日都畀人问到呢d问题，都畀人窒到口哑哑。 5紫微斗数一般可以睇到果个人d咩野运程架？可以计算到好细致，如下： 5a先天命局，即系十二宫里面ge事，命宫＝性格、命运；兄弟宫＝与同胞或死党ge关系；夫妻宫＝心仪异性ge特点及与异性ge互动方式。子女宫＝与子女或者后辈ge缘份……如是者，加埋身宫，一个人最重要ge十三项都睇得到。这个先天命局系不变的。 5b睇每一个十年ge大运，网络上ge电脑排盘，我地都会见到好似「14-23」、「24-33」等等数字，就系去到几多岁ge时候ge十年运势。要睇十年大运就要用移宫易位方法，即系褪格仔。系属于后天ge一个层次，睇到ge野只系一个启示，唔会有注定，简单讲，我地选择善，咁d运气就向善，吉星亮、煞星暗。相反地，我地向恶，咁d运气就向恶，吉星暗了，煞星亮了。 5c睇到流年运，但必须睇埋系o系边一个十年大运里面ge边一年，影响力系有，但就只可以o系十年大运里面变化，譬如讲，十年大运ge财帛宫煞星满布，但系流年时ge财帛宫（移宫易位后）就吉星满布，咁即系话，果一年ge财运，只系冇咁衰咁解，因为十年大运里面衰左，流年运ge力量唔及十年大运。 5d睇到流月运，一般都系将流年果一个格仔同时当系果一年ge正月，而二月就系顺住时辰位置褪位。 5e睇到流日运，一般都系将流月果一个格仔同时当系果一个月ge初一，而初二就系顺住时辰位置褪位。（但实际就好少人知） 5f睇到流时辰运，但系流时辰系点样计出o黎，或者系o系边一格，就更加少人知。 5g睇到流刻运，一个时辰约等如现代ge两个钟头，即系120分钟，咁o岩得咁挢，紫微斗数又系有十二格，所以每一个格仔就等如10分钟。如果你知道埋你出生ge分钟，咁就可以预测得好准，因为一日之内可能发生的事，每每都系o系你出生果个分钟里面最大机会出现。 补充：因为世界上每个人都有自己ge一个命盘／八字，所以o系一个命盘／八字之中，系可以好准确咁睇到一个人ge一生，但系当问题涉及到其他人，咁样就只可以睇到好少，因为假如你认为从自己ge命盘之中可以睇到你母亲ge全个人生ge话，咁样搞法，咁你母亲ge命盘照计都可以睇到你ge全个人生。咁即系话，用一个命盘／八字就够，驶乜搞咁多时辰出o黎。呢一点又系算命师傅畀人窒到口哑哑ge一个关键。 系咪好长气呢？我自己就觉得系好、好、好、好、好、好、好、好、好、好、好、好、长气喇。 2007-07-08 01:33:07 补充： 仲有一样，唔好以为咁样就可以算到下一刻有乜事发生呀，因为每一件事ge发生都有前因，然后先至有后果，即系只要前一刻选择左a，咁就会有a结果，而我地o系前一刻ge选择，就可以千变万化。亦即系涉及到「运」，就唔会有注定。呢一点亦都系一d畀人窒到口哑哑ge问题。